Fünf noch Zwöfe

I wü net wiss´n
Warum da Himme want
Waunn ah Kindal stirbt

 

I wü net wiss´n
Warum I trotzdem sott bin
Waunn Drübn wer vahungat

 

I wü gor net wiss´n
Warum de Sunn net Jed´n locht
Waunn Se vadunklt wird durch Gier

 

Und I wü net wiss´n
Warum es fünf noch zwöfe is
Waunn des letzte Viech verendet

 

I wü oba übahaupt net wiss´n
Warum de Stern vom Himme foin
Waunn da letzte Mensch krepiert

 

Oba Ans mecht I wiss´n
Is wirklich scho so spät?